Ons Storie

Beste Mammas

 

Vir dié van julle wat my nie ken nie, ek is Karlien Shepherd: ‘n juffrou en mamma met ‘n groot liefde vir onderwys! 

 

Ek het besluit om hierdie blad te begin om Mammas te help om hul kinders te help en akademies te ondersteun. 

 

Wat is matwerk?

 

Matwerk is wanneer jy en jou kind op ‘n mat sit en werk. Dit is wanneer jy ‘leeroomblikke’ skep om jou kind te help om ‘n nuwe begrip te verstaan of ‘n ou een vas te lê. (Dit hoef nie op ‘n mat te gebeur nie, dit kan op enige oppervlakte wees). Die idee is dat jy individuele aandag aan jou kind gee! 

 

Hoekom is dit belangrik? 

 

Kinders leer op verskillende maniere. Of jy nou ‘n visuele, ouditiewe of kinestetiese kind het, kinders leer deur self te doen! Laat jou kind toe om self te vat, voel en ontdek! Geen kind is gemaak om stil te sit en net te luister nie. Dis ‘boring’ en outyds. Gebruik matwerk as ‘n geleentheid om te ontdek! Wanneer die kind self tot by die antwoord of gevolgtrekking gekom het, sal die kind die inligting beter prosesseer en vinniger leer! Mamma is daar om leiding te gee en vrae te vra. 

 

Ongelukkig is klaskamers deesdae propvol, die kurrikulum stel vreeslike vereistes en die juffrou het net twee hande! Ons as Mammas moet ingryp en verantwoordelikheid neem vir ons eie kinders se opvoeding. Laat my toe om julle te help! 

 

As daar enige Mammas is wat vrae het – ek help graag! Inbox my gerus! 

 

Ek sal van tyd tot tyd wenke plaas, sowel as hoe om my apparaat te gebruik!